Дзецински тидзень  у оводи » Цицибан» започал зоз Маскенбалом и  друженьом, танцом, преходзку през валал и музику, шицких воспитних ґрупох на дворе а потим у роботних хижох.

Дзеци ше представели зоз рижнороднима масками котри були наисце нєзвичайни и интересантни а родичи були публика котра вєдно з дзецми збогацела тот красни дзень.

Потим ше друженє предлужело зоз правеньом заєднїцкей плакати и розгварки о значносци правох и обовязкох каждого дзецка.

Нашу  дзецинску  заградку «Цицибан» часто нащивює  и ТВ Нови Сад, дзе дзеци мали можлївосц приповедац зоз новинарку и представиц нашо активносци и бависка.

Тиж так найстарша воспитна ґрупа дзецох нащивела школу як и дзеци трецей класи дзе шицки вєдно мали роботню виробку бабки  и правеня древа товаришства.